CAGAYAN DE ORO CITY – Nag-atubang sa kasong pagbaligya sa illegal nga droga ug pagmintinar sa suyupanan ang tulo ka dinakpan sa gikasa nga buy bust operation sa Philippine Drug Enforcement Agency 10 sa Brgy Vintar,Valencia City,Bukidnon.
Sumala ni PDEA 10 regional director Atty. Benjamin Gaspi nga gipang-ila ang mga dinakpan nga sila alyas Alejandre, 67 anyos;alyas Jake,37 anyos ug Joseph, 39 anyos nga pulos nagpuyo sa maong syudad.
Nabawian ang mga dinakpan sa sobra 11 gramos nga gitoohang shabu nga adunay kantidad 78-mil 200 pesos.
Maoy gipang-atubang sa mga dinakpan ang kasupakan sa Comprehensive Dangerous Drugs Act of 2002.
