CAGAYAN DE ORO CITY-Naangol ang tulo ka sundalo dihang nabuthan sa improvised explosive device o IED nga gipabuto sa wala matino nga gindaghanon sa rebeldeng New People’s Army o NPA sa Brgy Cawayan,Quezon,Bukidnon.
Giila ang mga samaron nga sundalo nga sila si Cpl Rendon;PFC Villanueva ug PFC Marquez nga pulos ubos sa 88th Infantry Batallion nga nakabase sa sa maong lungsod.
Gibutyag ni 4th ID spokesperson 1Lt Tere Ingente nga naghimo’g pagbisita ang mga sundalo sa maong brgy alang sa community support program o CPS dihang naigo sa IED explosion hinungdan sa pagkadala sa ospital kagahapon sa hapon.
Gilayong nakahimo’g pagbalos ang militar batok sa mga rebelde hinungdan nga gilayong nakasibat kini sa wala matino nga direksyon.
Wala masulti sa 4th ID kon aduna ba’y sakop sa mga rebelde nga namatay o samaron atol sa pipila ka minuto nga pagbayluay sa mga bala gikan sa IED explosion.
