Mukabat sa 300 ka mga drivers sa taxi ang nahatagan sa tag P5000 nga cash-ayuda sa Land Transportation Franchising and Regulatory Board (LTRFB). KIni ang gibutyag ni LTFBR Regional Director Aljo Bendijo. Miingon si Benjido nga kini nalang ang ilang wala pa mahuman sa pag-apud kay napadala na sa account sa ilang mga kooperatiba ang ayuda alang sa mga uban pang taxi drivers, operators sa taxi, nga public utility jeep drivers ug operators, ug mga UV express. Gipasabot ni Bendijo nga mas daku ang madawat sa mga drivers kay sila man ang gapatubil sa ilang mga sakyanan itande sa mga operators. Gawas niini, lahi usab ang ayuda nga madawat sa mga bus companies kay ang ilang gasto sa tubil gikan man sa ilang mga operators busa padulong kanila ang ayuda depende sa gidaghanon sa ilang units. Gitin-aw ni Bendijo nga kung adunay wala makadawat ug wala malista mahimong mureklamo sa ilang buhatan aron susihon kung aduna silay kalapasang teknikal o paso na ang lisenya. Subli gitin-aw ni Bendijo nga walay ayuda nga madawatan ang mga kolorom nga mga units ug taas pa ang tsansa nga sila mapenaltihan
