Padayon ang search and rescue operations sa Kumamoto Prefecture sa Japan human miigo ang magnitude 7.1 nga linog nga nakamugna og grabeng kadaot sa mga kabalayan, establisemento ug imprastraktura.
Miabot na sa 23 ka tawo ang kumpirmadong namatay, 63 ang naangol, samtang liboan ka residente ang nagpabilin sa mga evacuation center tungod sa padayon nga aftershocks ug kadaot sa ilang mga panimalay.
Lakip sa grabeng naapektuhan ang Aeon Mall sa Kashima, diin adunay gas explosion human sa linog, ug ang Nippon Paper mill sa Yatsushiro City, diin adunay mga natanggong sa nagun-ob nga istruktura.
Nagpadayon ang mga rescuers sa pagpangita sa mga posible pang naluwas bisan pa sa taas nga temperatura, kakulang sa tubig, ug padayon nga mga aftershocks.
Samtang nagpadayon ang relief operations, gipakusgan sa gobyerno sa Japan ang paghatag og pagkaon, tubig, medikal nga serbisyo ug uban pang emerhensiyang tabang sa mga apektadong komunidad.
