Misaka pa sa 38 ka sunog ang narespondehan sa Bureau of Fire Protection sa lungsod sa Cagayan de Oro.
Kini ang gitug-an ni Captain John Donasco, ang Public Information Officer sa BFP-Cagayan de Oro Fire Department.
Miingon si Donasco nga ang labing ulahing sunog natala sa Borja Extension, Macajalar, Camaman-an ning syudad misaka pa sa 3rd alarm kay gama sa light materials ang mga naugdan nga balay ug paspas kini lamuyon sa kalayo. Sa maong insidente 33 ka balay ang nasunog, ug adunay gibana-bana nga damyos sa P600,000.
Base sa ulahing report nga nahipos sa ahensya, misaka pa sa 50 ka pamilya o dul-an 200 ka indibidwal ang nawad-an sa puy-anan, ug adunay lima ang partially damage.
Wala pa masuta sa ilang imbestigador kung unsa ang matood nga hinungdan sa sunog.
Giawhag si BFP ang katawhan nga mag-igmat ug kanunay likayan ang pagdaub duol sa puy-anan labina kung kini light materiials lamang.
Gawas niini, ila usab gipadumduman ang publiko nga e-off ang tanan appliances kung mubiya sa balay ug dili biyaan ang dirty kitchen kung adunay lutoon.
