CAGAYAN DE ORO CITY – Gipangkasuhan sa Philippine Drug Enforcement Agency 10 sa pagsupak sa Comprehensive Dangerous Drugs Act of 2002 ang upat suspected drug pushers nga unang nadakpan sa nabungkag nga suyupana’g shabu sa Brgy Carmen ning syudad.
Giila ni PDEA 10 regional director Benjamin Gaspi ang mga dinakpan nga sila alyas Egar,63;alyas Ed,44; alyas Doydoy,43 nga pulos taga-Carmen ug Niko Ramayrat,23 nga residente usab sa Brgy Pagatpat ning syudad.
Nadakpan ang mga suspek pinasikad sa buy bust operation kuyog ang tropa sa Carmen Police Station 4 ni Major Mario Mantala Jr.
Detinado ang mga dinakpan sa mini-cell sa PDEA 10 samtang gihulat ang mando sa korte nga isaka na sila sa city jail ning syudad.
