CAGAYAN DE ORO CITY – Patay ang upat ka tawo samtang laing mga biktima ang samaron sa ngilngig nga aksidente Sayre Highway,Sitio Sta Ana,Impasug-ong,Bukidnon.
Giila ni Impasug-ong Police Station head Capt Richlie Murallon ang mga biktima nga sila si Rudy Ganol,Nilo Lahayon,Nelson Gumaling ug Rogelio Benoy,mga hingkod ang panuigon nga pulos nagpuyo sa Brgy Sangkana,Manolo Fortich sa maong probinsya.
Samtang kamulo gihatagan sa medikasyon sila si Rolando Arante,Celso Bahaynon, Nildo Balcueva ug Junel Balcueva nga taga-Zone 7 sa Brgy Sangkanan tungod sa ilang mga grabeng bun-og sa kalawasan.
Miingon si Murallon nga sakay sa Isuzu Forward Truck nga gimaneho ni Edgardo Badan ang mga biktima dihang natangtang ang propeller shaft hinungdan nga nahitabo ang aksidente.
Mibangga usab ang truck sa nakaparada sa laing mga sakyanan nga iya sa kontraktor nga si Eduardo Canlas rason nanglupad ang mga biktima.
Sa pagkakaron,detinado na si Badan ug gitakdang kasuha’g kriminal sa piskalya sa Bukidnon ugmang adlawa.
