CAGAYAN DE ORO CITY – Dili matawag nga sugar hoarding o pagtago sa mga suplay sa asukal ang gihimo sa kompanyang Crystal Sugar Milling nga nahimutang sa North Poblacion,Maramag,Bukidnon.
Kini mismo ang katin-awan ni Don Carlos Vice Mayor Jude Palmada nga dunay direktang kasayuran sa pagsusi sa mga personahe sa Bureau of Customs ug Sugar Regulatory Administration sa mga bodega sa kompanya.
Miingon si Palmada nga wala sa kapasidad sa maong kompanya nga manago’g suplay sa asukal kay sila ang komprahan sa mga negosyante dinhi sa nasud.
Gani,sa 446-mil 142 ka sako nga naka-stock sa warehouses sa Crystal,264-mil niini ang bayad na sa mga negosyante apan wala pa lamang mahabwa.
Dugang sa bise-mayor nga molungtad pa ang mga suplay sa asukal sa maong kompanya sa Oktubre ning tuiga ayha subli mohimo sa sugar milling.
Hisayrang milusad sa nationwide occular inspection ang taga- Customs ug SRA officials ubos sa mando ni Pres Bongbong Marcos aron tumbukon kon tinud-anay nga mikulang ang sugar supply sa nasud ning tuiga.
