Giklaro ni 4th Infantry Division Commander, Brigadier General Michelle Anayron, Jr., nga ang gipahigayon nga Balikatan Exercises sa Mindanao usa ka mahinungdanong rehearsal alang sa paspas nga pagdawat sa mga tropa ug kagamitan gikan sa Estados Unidos kung duna’y emerhensya.
Tumong niini nga bansayon ang kaandam sa atong mga “point of entry” aron masiguro ang hapsay nga logistics ug interoperability tali sa duha ka pwersa.
Gawas sa depensa sa teritory o, gihatagan usab og gibug-aton ang pagpalig-on sa disaster response aron mas mapadali ang pagtabang sa mga sibilyan sa panahon sa kalamidad.
Gipasalig sa heneral nga kining maong kalihokan gihimo aron mapanalipdan ang soberanya sa nasud ug dili aron manghagit og kasamok sa bisan kinsang silingan.
Kini nga lakang kabahin sa mas lapad nga plano sa militar aron maseguro ang hingpit nga kalinaw ug seguridad sa tibuok rehiyon sa Northern Mindanao. (jane mae abulag)
