CAGAYAN DE ORO CITY – Gipaabot personal sa kadagkuan sa 4ID,Philippine Army officials ang pagpasalamat ngadto kang City Mayor Rolando ‘Klarex’ Uy kabahin sa gihimong lakang sa city hall pag-agak sa apektadong mga residente sa demolasyon sulod sa Camp Evangelista,Brgy Patag ning syudad.
Kini human bisitaha sa 4ID officials sa pagpangulo ni Installation Management Command deputy commander Brig Gen Joseph Romulus Canieso ang mayor sa buhatan niini sa city hall aron ipaabot ang pasalamat.
Gitumbok sa heneral kuyog si Army Lt Col Invinsor Meneses ang gilayong pagtunol sa mayor sa pagkaon,food provisions ug mga ekipo pagkarga sa mga gamit sa mga apektadong mga pamilya sa demolasyon.
Una nang nahangyo ni Uy kuyog ang ubang opisyal ang korte nga masibog una ang demolasyon sa miaging Abril kay nagtungha pa ang mga bata rason nasibog sa Hunyo ning tuiga.
Hisayrang tipik sa gisugo sa city govt mao ang paghatag seguridad sa tropa ni Cagayan de Oro City Police Office Director Col. Salvador Radam sa demolition team nga mangguba sa mga puy-anan.
