Suportado sa Palasyo ang sugyot nga gihingusgan ni Ferdinand Alexander “Sandro” Marcos, representante sa Unang Distrito sa Ilocos Norte.
Sa press briefing nga gilusad sa Malacañan, namahayag si Palace Press Officer Atty Claire Casro nga kung mulampos ang House Bill No. 2700 o Free Electricity for Low-Consumption Households Act, daghang mga 4Ps beneficiaries ang unang makatagamtan niini.
Miingon si Castro nga napatuman na sa gobyerno ang dili muminos sa 50 kilowatt hour sa kuryente nga libre o pwede ma-abagahon sa gobyerno.
Hisayran nga subay sa sugyot sa anak ni Presidente Ferdinand Marcos Jr., iyang gipatas-an sa 135 kilowatt hours (kWh) matag bulan o dili molapas sa ₱2,000 nga bill, ang himoong libre sa gobyerno alang sa mga benepisyaryo sa 4Ps.
Una nang namahayag ang batan-ong Marcos nga nakita niya ang gisagubang nga dagkung balayrunon sa mga ginikanan gikan sa marginalized sektor busa, iyang paningkamutan nga mapalabang ang maayong subsidiya.
