Gibatikos ni Senator Raffy Tulfo ang Department of Labor and Employment (DOLE) tungod sa padayon nga paggamit sa ilegal nga “5-5-5” scheme sa daghang kompanya, ilabi na sa fast food ug manufacturing sector.
Ang maong praktis naglangkob sa pagpang-hire sa empleyado sulod sa 5-ka bulan ug pagpahawa kanila aron malikayan ang regularisasyon sa ika-6 nga bulan, dayon ire-rehire pag-usab.
Gi-akusahan ni Tulfo ang mga inspector sa DOLE nga nagpaka-buta ug nagpakita sa kakulang sa tinuod nga inspeksyon, kondiin gipasanginlan pa niya nga adunay korapsyon sa proseso.
Gi-insistir sa Senador nga kinahanglan nga masampolan ug kasuhan ang mga palpak nga inspector aron matino ang pagpatuman sa balaod ug maprotektahan ang katungod sa mga mamumuo. (phillip ariata)
