Unom ka tawo, lakip ang duha ka aktibong pulis, ang nadakpan sa checkpoint operation sa Opol, Misamis Oriental tungod sa ilegal nga pagdala sa mineral ores nga walay igong permit.
Nakumpiskar sa kapulisan ang 58 ka sako sa giingong wala pa maproseso nga mineral ores.
Segun ni Police Major Joann Navarro, spokesperson sa Police Regional Office 10 nga gibana-bana nga anaa sa P290,000 ang kantidad sa narekober nga mga minerales.
Lakip sa narekober ang gigamit nga transport vehicle, mga armas ug bala nga dala sa mga nadakpan nga pulis ug mga gamit sa pagmina. Gitumbok ni Navarro nga ang mga dinakpan pulos naggikan sa Davao de Oro lakip ang upat ka mga sibilyan.
Silang tanan nag-atubang sa kasong paglapas sa Philippine Mining Act of 1995
