CAGAYAN DE ORO CITY – Naduso na ang kasong pagsupak sa theft of minerals ubos sa Philippine Mining Act of 1995 ug illegal possession of firearms batok sa unom ka suspected illegal miners nga nadakpan sa mga operatiba sa PNP-CIDG sa a Purok 3,Brgy Mahayahay,Manticao ning lalawigan.
Kini subay sa kompirmasyon ni CIDG-MisOr commander Police Major Frey Emocling batok sa mga dinakpan nga unang naharang nga nagpalusot sa ‘ore minerals’ nga nakuha nila gikan sa Brgy Limonda,Opol sa lalawigan sa miaging semana.
Namahayag si Emocling nga tipik sa mga gikasuhan sila Ronnie Fernandez,41 anyos,taga-Davao de Oro, driver sa naharang nga sakyanan;Ryan Jaye Maquidato,34 anyos nga taga-Brgy Tuod,Manticao,Misamis Oriental; Benito Lamsin Jr,43 anyos; Jodel Cabug,37 anyos;Arnold Tagaytayan,47 anyos nga pulos taga-Tagum City ug Elfred Carido,36 anyos nga taga-Davao de Oro.
Hisayrang duha sa mga dinakpan ang nabawian sa duha ka kalibre 45 nga armas kinuyugan sa mga bala, kantidad sa salapi ug bibliya dihang naharang sa kapolisan sa miaging semana.
