CAGAYAN DE ORO CITY, Philippines – Girekomendar ni Department of Government Efficiency (DOGE) Chief Elon Musk nga ipa-impeach ang usa ka federal judge nga mipakanaug sa desisyon nga e-block o “babagan” sa Treasury Department ang access sa bisan kinsa gawas sa mga civil servants nga adunay panginahanglan sa access aron sa pag-perform sa ilang mga katungdanan.
Gitawag ni Musk si U.S. District Judge Paul Engelmayer nga kurakot, human gi-isyuha kinig preliminary injunction aron temporaryong babagan ang departamento nga huwaid ni Musk sa pag-acces sa sensitibong records sa ilang Treasury Department.
Kini nga aksyon gihimo ni Judge Engelmayer human nanawaga ang 19 ka Democratic state attorneys general sa ilang Korte Suprema nga barahon ang lihok sa DOGE tungod sa dakung risgo batok pribasiya ug seguridad sa kaban sa katawhan.
Una niini, suportado ni Trump ang laraw ni Musk ug namugos nga kung walay gitaguan nga milagro ang treasury department, kinahanglan kining mokooperar sa pagsusi ni Musk.
Kahinumduman nga mismo si Trump ang namahayag nga makatigom sa binilyong salapi ang gobyerno kung tangtangon ang kapin 65,000 federal workers ug mitanyag sa resignation program aron makadawat sa benepisyo ubos sa Trump Administration.
Alang kang Trump, kini nga mga trabaho epekto sa pag-upgrade sa teknolohiya ug mahimong buhaton nalang sa AI kon artificial intelligence.
