CAGAYAN DE ORO CITY – Nakasuhan na sa robbery extortion ang pito ka suspek nga nangilad kang City Mayor Oscar Moreno sa balor 1.3 milyones pesos ning syudad.
Kini human nagpatoo si Ryan Mabborang nga usa ka police colonel sa Polic Regional Office 10 ug gipasaligan ang mayor nga maubsan ang illegal drugs case ni Sean Moreno nga naka-detain sa Angeles City Jail sa Pampanga.
Miingon si CIDG regional director Police Lt Col Raymund Ligudin nga dili lamang si Moreno ang giigo sa Pat Villacorte crime group nila ni Mabborang apan may mayor na usab sa Maguindanao nga nakuhaa’g tunga sa milyon ka pesos.
Gawas kang Mabborang,susama nga kaso ang giatubang nila ni Mark Adrian Tan, residente sa North Cotabato; Wilma Pangandigan, local government employee sa Datu Saudi Ampatuan; Thong Pangandigan sa Datu Piang, Maguindanao; Mohaimin Ulimpaen, Sadam Taliba Donna Bansil nga pulos taga Datu Saudi, Ampatuan, Maguindanao.
Si Moreno ang gipangayua’g 1.3 milyones pesos apan imbis mohatag gipadakop kini sa CIDG hinungdan nakasuhan sa piskalya ning syudad sa miaging semana.
