CAGAYAN DE ORO CITY-Balhog na sa prisohan ang 7 ka suspek sa grupo sa batan-on nga nailang TROPA BORN SQUAD o TBS nga gitudlong responsable sa daghang kaso sa carnapping sa motor ning syudad lakip na sa Misamis Oriental.
Gikalipay pag-ayo sa negosyante nga si Mark Chester Namocot, molopyo sa Gran Europa,Upper Balulang sa syudad human marekober ang iyang raider nga motor unang nakarnap sa atubangan sa Kauswagan Brgy Hall sa miaging semana.
Saysay ni Namocot nga gilakag pa niya ang mga suspek human nila gisusi ang dalan padulong Brgy Bulua ug Brgy. Barra,Opol ning lalawigan.
Gibutyag sa biktima nga na-trace up ang nasampit nga grupo sa mga carnaper human masapon nanglungkab ug balay sa Opol kagahapong adlawa.
Una niini, gikompirmar ni SPO4 Fernando Laspoña sa Carmen Police Station nga dali nilang nakuha ang mga ngalan sa suspek pinaagi sa ilang facebook account.
Giila ang mga suspek nga si Romel Shane Caralde kinsa leader sa grupo,Clyde Dimple Namocot,Nick Llamis, Baby Jane Ganas ug laing tulo ka minor de edad.
Narekober sa mga suspek nga mga kinawat nga mga items, duha ka motor ug shabu.Samtang giangkon sa nagpatoong minor de edad nga si Namocot nga nadamay lamang sila sa kasong pagpangarnap sa ilang lider sa TROPA BORN SQUAD nga si Caralde.
Gibutyag ni Namocot nga una pa niya lambigit sa motor-napping uban ni Caralde.Dugtong niini,nga lakip sa mga lugar nga target sa ilang gang ang Brgy Kauswagan ug Upper Carmen ning syudad.
Gibaligya usab nila sa P30mil ang matag karnap nga motor.Una niini, gibutyag ni Laspoña nga dili makalikay sa patong-patung nga kaso ang mga suspek.
