CAGAYAN DE ORO CITY – Nakita na ang batang lalaki nga nalumos sa bukana sa Zone 8, Lower Bulua ning syudad kagahapon sa hapon.
Gi-ila ni Brgy. Bulua Kag. Leonardo Llamis ang biktima nga si Jefferson Buyatac, 8 anyos nga residente sa Zone 12 sa maong barangay.
Matud ni Kag. Llamis nga milutaw ang patay’ng lawas sa bata sa Iponan river kaganinang buntag human kini wala makita sa search and rescue operation sa mga personahe sa USAR ug Philippine Coast Guard.
Nalumos ang bata human kini naligo sa suba uban sa iyang lima ka amigo kagahapon.
