CAGAYAN DE ORO CITY-Patay ang usa ka motorista nga mibangga sa pribadong sakyanan diha sa dalang Suniel-Mabolo ning syudad kaganihang kadlawon.
Gibutyag ni SPO1 Rey Delote sa Carmen Police Station nga inisyal nga naila ang biktima sa pangalan nga Carl nga nagpuyo sa Sta.Cruz,Brgy Carmen sa dakbayan.
Kusog ang dagan sa motorsiklo nga gimaneho sa biktima hinungdan nga nabanggaan niini ang Hyundai Galloper nga gimaneho ni Jonathan Teng nga taga-Brgy Patag sa syudad.
Una niini,gibutyag ni Teng nga hinay lamang ang iyang dagan ilabina nga patabok siya sa crossing itandi sa motorsiklo nga nag-apas sa biyahe.
Hinoon,andam moatubang si Teng sa unsa man ang obligasyon nga gimando sa balaod tungod sa hitabo.
