CAGAYAN DE ORO CITY-Kaya sa mga sundalo ang pagpuhag sa teroristang ISIS-Maute nga nagsabwag kagubot sa Marawi City kapi’g upat ka semana na ang milabay.
Kini maoy pagpasabot ni Pres Rodrigo Duterte samtang gisupak niini ang sugyot nga tugutan ang mga sibilyan magbaton sa mga armas aron magamit pagbatok sa mga terorista.
Si Duterte miingon nga peligro nga mahitabo ang gitawag nga ‘communal war’ o gubat tali sa isi’g katribo hinungdan nga dili niya tugtan magbaton sa high powered firearms ang mga sibilyan.
Gihimo kini nga tubag ni Duterte dihang mismo ang Bombo Radyo nangutana kaniya atol sa pagduaw niini sa 79 ka sundalo nga samaron gikan Marawi City nga naka-confine sa Camp Evangelista Station Hospital sa Brgy Patag sa syudad kagabii.
