CAGAYAN DE ORO CITY-Nabawi sa mga otoridad ang duha ka rifle grenades ug laing mga granada sa pinuy-anan sa retiradong sundalo diha sa Green Heights ,Brgy Balulang sa syudad kaganihang buntag.
Kini human lungkaba ang balay ni retired army Armand Arban diin lakip sa gikawat sa mga wala mailang akyat bahay gang ang maong mga granada.
Gibutyag ni Balulang Brgy Kagawad Roland Mabaylan nga atol sa pagka-diskobre sa mga granada wala usab si Arban sa iyang pinuy-anan kay giingong nagbakasyon sa Leyte.
Hinoon,wala makabuto ang maong mga granada dihang gilabay sa mga kawatan sa gawas nga bahin sa pinuy-anan sa kanhi sundalo.
Gipaubos na sa kustodiya sa kapolisan ang maong mga bala nga nakuha gikan bisinidad sa pinuy-anan ni Arban.
