CAGAYAN DE ORO CITY-Gipanghimakak sa grupong Bangsamoro Islamic Freedom Fighters o BIFF nga nagsimpatiya sila sa grupong ISIS-Maute nga gigukod sa militar sa Marawi City,Lanao del Sur.
Kini human gidagit nila ang 31 ka sibilyan nga naglakip sa 12 ka batan-on sa Pigcawayan,North Cotabato kagahapong adlawa.
Gihimo ni BIFF spokesperson Abu Mama Misry ang pahayag human sila akusahi sa 6th ID,Philippine Army aron mabahin ang pokus sa militar batok sa Maute group sa Marawi City.
Siya miingon nga ISIS ang nagsugo sa mga Maute paggubot sa Marawi City ug wala sila’y kalabutan niini.
Napatyan sa usa ka sakop ug laing duha ang samaron dihang naigo sa kanyon gikan sa mga sundalo ang BIFF.
