CAGAYAN DE ORO CITY- Nagpadayon ang gihimo nga imbestigasyon sa kapolisan kon kinsa ang responsable pagpatay sa usa ka wala pa mailang lalaki diha sa Upper Sitio Taguanao,Brgy Indahag ning syudad kagahapon sa buntag.
Nakaangkon sa duha ka samad pinusilan ang ulo sa biktima diin gisunog pa sa wala mailang mga suspek.
Sa inisyal nga pagsusi sa mga otoridad nga may nabati ang pipila ka residente nga singgit sa usa ka lalaki diin nagpabati pa sa paghilak niini ayha nadungog ang sunod-sunod nga buto sa armas.
Gitoohan nga gi-salvage sa wala mailang grupo sa mga kriminal ang maong biktima diin nakahaya sa Bollozos Funeral Parlor diha sa Brgy Bulua sa dakbayan.
Dugtong niini,gibutyag ni Scene of the Crime Operatives o SOCO medico legal officer C/Insp Dr Christian Caballes nga angay ipaubos sa otopsiya ang patay’ng lawas sa suspek aron magamit ang resulta sa pagpalig-on sa pagpasaka’g kaso batok sa mga suspek.
