CAGAYAN DE ORO CITY- Gitutukan sa kapolisan ang anggulo sa rido sa pagpusil-patay sa mag-live in partner nga gilakipan sa brgy kapitana nga anaa sa listahan sa narco-politics ni Pres Rodrigo Duterte sa Brgy Acmac,Iligan City.
Giila ang mga biktima nga sila si Digkilaan Barangay Chairwoman Nancita Magaro,46 anyos ug si Jamel Cayagan,36 anyos nga residente sa maong lugar.
Gibutyag ni Iligan City Police Office Director Sr Supt Leony Roy Ga nga anaa sa ilang listahan ang mag-live in partner nga dugay nang nalambigit sa pagpakuyap sa ilegal nga droga sama sa shabu.
Nakaangkon sa daghang igo pinusilan sa mga ulo ang biktima gamit ang 9mm pistols gikan sa mga motorcycle in tandem suspects.
Nasyaran nga pauli na ang mga biktima sakay sa motorsiklo dihang giabayan sa mga suspek ayha gipangpusil.
