CAGAYAN DE ORO CITY-Ipaubos sa forensic examinations ang 17 ka patay’ng lawas sa mga sibilyan diin halos nga bukog na lamang dihang narekober sa Barangay Dadongan,Marawi City,Lanao del Sur.
Kini human nasudlan sa retrieval teams nga gilakipan sa militar ug Scene of the Crime Operatives ang lugar ng conflict area aron makuha ang mga patay’ng lawas nga kapig bulan na nga wala matultuli sa mga otoridad.
Gibutyag ni Lanao del Sur 2nd District Board Member Abdulhamid Umpa Amerbitor nga lima sa mga narekober ang wala na’y mga ulo nga posibleng gipangputol sa mga teroristang ISIS-Maute sa Marawi City.
Sa pagkakaron,anaa na sa Iligan City ang maong mga patay’ng lawas alang sa pagsusi niini.
