CAGAYAN DE ORO CITY-Ipasaka sa kapolisan ang double reckless imprudence resulting to homicide ug multiple physical injuries batok sa ten wheeler truck driver nga responsable sa kamatayon sa duha ka embalsamador ug ubay-ubay’ng naangol diha sa Brgy Lumbo,Alubijid,Misamis Oriental.
Kini human bangga-i sa driver nga si Edgar de los Santos nga taga-Zamboanga City ang mga biktima nga sila si Arturo Librada,46 anyos,minyo ug Edgar Elarmo,29 anyos,minyo nga nag-washing sa ilang sakyanan kagahapong adlawa.
Gibuyag ni PO3 Mark Valles sa Alubijid Police Station nga nabanggaan usab ang pinuy-anan ni Elizabeth Balaba.
Samaron usab ang kauban nila ni Librada ug Elarmo nga si Ali Johnson ingon man ang helper ni De los Santos nga si Antonio Ungue nga anaa sa Nothern Mindanao Medical Center.
