CAGAYAN DE ORO CITY-Ipasaka sa PNP Drug Enforcement Unit o PNP-DEU ang pagbaton sa minilyong balor sa gitoohang shabu ang magsoong Salic ug pag-umangkon sa piskalya sa Iligan City.
Kini human giingong nakuha gikan sa mga pinuy-anan nila ni kanhi Marawi City mayors Fajad ‘Pre’ Salic;Omar Solitario Ali ug incumbent Marawi City Vice Mayor Arafat Salic sa 7 kilos sa gitoohang shabu nga nagbalor P35-milyon sa pagronda sa kapolisan sa maong syudad sa miaging semana.
Gibutyag ni PNP Drug Enforcement Unit head Sr/Supt Graciano Mejares nga sa Iligan City Prosecutor’s Office nila iduso ang kaso tungod kay dili functional ang mga korte sa Marawi City.
Partikular si Pre Salic ug Omar Ali kinsa pulos kanhi mayor sa Marawi City ang una nang gitumbok ni Pres Rodrigo Duterte kaniadto nga nalambigit sa narcopolitics dinhi sa Mindanao.
