CAGAYAN DE ORO CITY-Kutob pag-depensa na lamang ug giaghat sa Napolcom-10 ang gobernador ug mga mayores nga mohimo’g pag-apelar nga mabalik kanila ang police deputization powers sa ilang tagsa-tagsa ka probinsya.
Kini ang pag-esplikar ni Atty Robert Lou Elango sa Napolcom-10 dihang naapil si Lanao del Norte Gov Imelda Dimaporo kuyog ang iyang mga mayores nga nawad-an sa maong prebilihiyo.
Giangkon ni Elango nga bisan sila ang nakurat sa kamanduan nga gipagawas sa ilang central office kabahin sa pagwagtang sa maong police powers sa mga probinsya sa Mindanao.
Gihimong rason sa resolution sa ahensiya nga angay wad-an ang maong mga gobernador ug mayores kay pakyas nila mapugngan ang terorismo ug giingong nagsuporta ang uban kanila sa kalihukang sa teroristang Maute.
