CAGAYAN DE ORO CITY-Gigukod pa sa militar ang nagkatibulaag nga sa mga rebeldeng NPA nga ilang nasugaw sulod sa dakong kampo nila sa lungsod sa Cabanglasan,Bukidnon sa miaging adlaw.
Kini human nabawi sa 8th IB,Philippine Army ang daghang mga bala sa armas,kagamitan paghimo’g mga bomba,pagkaon ug subersibong dokumento sa Sitio Miaray, Brgy. Mandahican sa maong lungsod.
Gibutyag ni 1Lt Erwin Bugarin,head sa civil military operations sa 8th IB,Philippine Army nga may mga samaron sa mga nakasibat nga mga rebelde hinungdan nga padayon nila nga gisundan ang mga gitaguan niini.
Una nang giangkon ni Bugarin nga migamit sila sa attack helicopter batok sa 50 ka NPA fighters diin may usa ka sundalo ang nahimo nga samaron sa engkuwentro.
Samtang gisaway ni Pres Rodrigo Duterte ang mga rebeldeng NPA nga walay klaro nga ikasabot samtang nagtuki sa hisgutanan sa kahusay’g kalinaw sa nasud.
Kini human kanunay ang pag-atake sa mga rebelde samtang anaa sa negosasyon ang ilang mga lideres.
Kini ang hinungdan nga naglaraw si Duterte nga isibog na usab ang ikalima nga peacetalks nga matigayon unta sa Agosto ning tuiga gawas sa nasud.
Gihimo ni Duterte ang pahayag pipila ka oras nga nagka-engkuwentro ang militar ug mga NPA sa Bukidnon diin una kining mibisita sa miaging adlaw.
Samtang pakyas nga mahatagan sa political pardon si NDFP peace panel consultant CPP-NPA-NDF regional officer Alfredo Mapano alyas Ka Pares.
Kini alayon sa siyam ka political prisoners nga gihatagan ni Pres Rodrigo Duterte sa pardon sugod sa miaging adlaw.Maoy gihatag ug pardon sila NDFP peace consultant Emiterio Antalan ug ang mga sakop niining sila Ricardo Solangon, Barigueco Calara, Arnulfo Boates, Jose Navarro, Joel Ramadam Sonny Marbella, Manolito Patricio,Generoso Rolida ug Apolonio Barado.
Dumduman nga sa milabay 2016 gihatagn sa pardon ni Duterte ang mukabat sa 20 ka political prisoners tungod kay naghambin sa sakit dala sa katigulangon.
