CAGAYAN DE ORO CITY- Gidid-an una sa DPWH-10 ang publiko ilabina ang mga motorista pag-agi sa Pacencio Ysalina Bridge nga nahimutang duol sa city hall ning syudad sugod karong adlawa.
Kini tungod sa ipahigayon sa mga personahe sa DPWH nga water proofing ug retro-fitting sa maong tulay.
Namahayag si DPWH regional spokesperson Vinah Jean Maghinay nga modagan sa usa ka semana ang pagtrabaho sa maong tulay hinungdan ila gipangayo ang pagsabot gikan sa publiko.
Gibutyag ni Maghinay nga giawhag ang mga motorista gikan Westbound PUJs nga mo-detour sa Rotunda area samtang ang southern-western PUJs nga moagi sa Cagayan Bridge.
Hisayrang nagsilbi nga labing una nga steel bridge ang maong tulay diin unang nagamit sa Cagay-anons ug Misamisnons sa Agosto 1931.
