CAGAYAN DE ORO CITY-Patay sa ambush ang duha ug dili pito ka kanhi NPA rebels samtang laing usa ang samaron sa Brgy Da-o,San Fernando,Bukidnon kagahapon sa kadlawon.
Giila ang mga namatay’ng biktima nga si Joash ug Reynaldo Licawan samtang samaron si Benjamin Salusad nga nagpaalim pa sa ospital sa maong lugar.
Gibutyag ni San Fernando Police Station commander C/Insp Mitchelle Clemencio nga pauli na ang mga biktima sa dihang gibanhigan sila sa 30 ka sakop sa NPA.
Nakasukol pa ang mga biktima apan wala makabuto ang mga bitbit nila nga mga armas.
Nasuta nga nag-atubang sa patung-patong nga kasong kriminal ang grupo ni Salusad sa panahon nga sila aktibo pa sa kalihukan.
Kini ang hinungdan nga gisilbi usab kang Salusad ang warrant of arrest gikan sa korte samtang naka-confine kini sa ospital sa Bukidnon.
