CAGAYAN DE ORO C ITY-Ipaubos sa PNP-SOCO Autonomous Region in Muslim Mindanao o ARMM ang narekober nga unom ka mga bungkog sa mga tawo sa otopsiya nga nakit-an sa militar ug kapolisan sa Brgy Marino-ot,Marawi City,Lanao del Sur.
Kini human natultulan sa tropa sa 51st Infantry Batallion ang lokasyon sa mga patay’ng lawas sa mga biktima nga gitoohang brutal nga gipangpatay sa mga teroristang Maute-ISIS sa unang semana sa kagubot sa Marawi City.
Gibutyag ni 1st ID,Philippine Army spokesperson Lt Col Joar Herrera nga nagpakita lamang kini kon unsa ka salbahis ang mga terorista diin gikuhaan pa’g hulagway ug gi-upload sa social media.
Dugtong niini,anaa na sa 45 ka sibilyan ang kumpirmadong napatay samtang 92 sa sundalo ug 379 ka terorista sukad nahitabo ang kagubot sa Marawi City.
