CAGAYAN DE ORO CITY-Nayagaw ang ang kapin 500 ka pamilya nga human milahos ang sniper bullets sa ikaduhang andana sa nagpasilong sa Provincial Captiol sa Marawi City kagahapon sa hapon.
Sa pakighinabi sa Bombo Radyo, gi-angkon sa mga bakwit nga bisan ang labing luwas nga kapitolyo, nagdala na dakong peligro sa ilang kinabuhi tungod sa sniper bullets gikan sa Maute-ISIS group.
Giila ang biktima nga si Solaiman Mangorse, kapin 60 anyos,usa ka bakwit gikan Brgy. Rayamadaya-1.
Namahayag ang iyang anak, igo lang nagbarog amahan niini sa ikaduhang anda sa maong gambalay sa dihang naigo sa saag nga bala.
Naigo ang bukton sa biktima ug gilayon kining gidala sa labing duol nga clinic.
Nasayran nga igo ra naghulat sa 3 o’clock prayer ang iyang amahan apan kalit nga miigo ang bala sa iyang lawas.
