CAGAYAN DE ORO CITY-Sugdan na Bureau of Fire Protection o BFP District Office ang ilang imbestigasyon sa rason pagkasunog sa Hotel Conchita ug Palaña Grocers nga mitala’g P7 milyones nga inisyal nga structural damage sa Guillermo-Yacapin Streets sa syudad kagahapong adlawa.
Kini human deklarado nga ‘fireout’ na ang maong mga gambalay nga unang gilamoy sa kalayo.
Namahayag si BFP District Fire Marshall C/Insp Wilfredo David nga kabahin sa ilang imbestigaran ang duha ka technician nga nagtul-id sa centralize aircon nga giingong tinubdan sa pag- ulbo sa kalayo.
Una niini,kabahin si David nga nakuryentehan samtang kamulo nila nga gipalong ang kalayo nga miluntad sa 15 ka oras.
