CAGAYAN DE ORO CITY-Nag-atubang sa kasong rebellion ang duha ka suspected Maute- ISIS members nga unang nasikop sa Martial Law-Special Action Group o ML-SAG diha sa Sitio Aluba,Brgy Macasandig sa syudad.
Kini ang hinungdan nga gibalhin na ang kustodiya nila ni Tahera Romato Taher ug Monaliza Solaiman Romato sa Taguig City Jail sa kauluhan gikan sa Camp Evangelista ning syudad.
Gibutyag ni ML-SAG member CIDG deputy for operations head Supt Melgar Devaras nga nakakita sila’g lig-ong basehan aron kasuhan sa rebellion sila si Taher ug Romato.
Nagpadayon usab ang pagpangita sa ML-SAG sa financial officer sa mga terorista nga si Irene Romato Idris nga naka-ikyas atol sa pagronda sa ilang safehouse sa sa syudad sa miaging semana.
