CAGAYAN DE ORO CITY-Gilusad karon sa hugpong sa STAREX-Piston Northern Mindanao kuyog ang Trafeco sa transport pahulay sa syudad ug silingang lugar sa rehiyon 10.
Kini aron subli ipaabot sa nasudnong gobierno nga supak sila nga e-phase out ang mga jeep pasayruhan nga nag-edad 15 anyos pataas.
Giklaro ni STAREX-Piston Sec Gen Ringo Lago nga ang maong transport strike ang i-agi lamang nila sa information drive ug dili susama sa naandan nga mohimo’g pikit- rally nga maka-paralisar sa dagan sa mga sakyanan.
Samtang wala moduyog ang grupong National Confederation of Transport Union NTCU-Northern Mindanao sa transport pahulay nga gipanguluhan sa STAREX-Piston ning adlawa.
Gibutyag ni NCTU regional coordinator Joel Gabatan nga wala makapangandam ang dagkong transport groups hinungdan nga wala sila mouban sa maong kalihukan.
Sa miaging bulan sa Pebrero ning tuiga,nakalusad sa transport strike ang grupo ni Gabatan diin 80 porsiento sa mga sakyanan ang apektado sa syudad
