CAGAYAN DE ORO CITY-Gibalik sa serbisyo si C/Insp Jovie Espenido isip hepe sa Ozamiz City Police Station sa Misamis Occidental.
Kini bisan nga nagpagawas sa 90 ka adlaw nga preventive suspension ang National Police Commission on NAPOLCOM batok Espenido tungod sa kasong administratibo.
Gibutyag ni PNP regional spokesperson Supt Lemuel Gonda nga walay gihulip kang Espenido kay naggawas ang kanselasyon sa iyang suspension petsa 13 pa sa Hulyo ning tuiga.
Gisuspenso si Espenido sa dihang gibulgar niini nga si TV actor Ormoc City Mayor Richard Gomez kabahin nga nalista sa ‘blue book’ nga nagpaluyo sa illegal drug operation sa Eastern Visayas.
Samtang gihulat karon ni Espenido nga madawatan ang order gikan sa Camp Crame diin nag-kanselar sa iyang 90 ka adlaw nga preventive suspension.
Gibutyag ni Espenido nga gisunod una niya ang gipahamtang batok kaniya nga suspension order ilabina nga mas nauna niya nga kini nga nadawat itandi sa giingong kanselasyon sa iyang silot.
Namugos si Espenido nga natubag na niya ang maong reklamo apan dako’g impluwensiya si Gomez hinungdan sa pagka-suspenso niini.
