CAGAYAN DE ORO CITY- Gikalipay ni LTO regional director Oscar Salcedo nga walay motorista nga ilang nasikop nga nagsupak sa anti-distracted driving act dinhi sa syudad ug lalawigan.
Kini human magpila ka adlaw na nila nga gipatuman ang maong balaod batok sa mga motorista nga makasupak niini.
Gibutyag ni Salcedo nga nagpakita lamang kini nga nasabtan sa publiko ang katuyuan sa gobierno kabahin sa maong balaod.Nasayran nga dagkong multa ang ipahamtang sa LTO-10 batok sa mga motorista nga makasupak niini.
Hisayrang ulahi gipatuman sa LTO-NorMin ang maong balaod aron maglusad pa sa dugang information drive alang sa mga motorista sa tuyo nga dili na sila makabalibad kon pangdakpon na sa kadalanan.
