CAGAYAN DE ORO CITY – Ipatawag pagbalik sa Land Transportation Office o LTO-10 ang distributor ingon man ang nakapalit sa tri-cabs nga gihimo nga pangpasayruhan dinhi sa syudad.
Kini tungod sa kadako sa peligro nga atubangon sa nag-drive ug sa mga magsilbing pasahero niini.
Gibutyag ni LTO regional director Oscar Salcedo nga wala kini gitugot sa ilang ahensiya nga magdagan ang tri-cabs sa mga national highway sa rehiyon.
.Gusto ni Salcedo nga ipaubos sa kontrol ang paggamit niini pinaagi sa pagbaton sa prangkisa kon gamiton kini nga pagpasakay sa mga pasahero palibot sa syudad ug lalawigan.
Hisayrang walay permiso ang maong mga sakyanan nga mohimo’g pagmasahero ma-syudad man o lalawigan.
