CAGAYAN DE ORO CITY-Gipanganti sa kapolisan nga masulbad sa dali nga panahon ang sunod-sunod nga pagpanulis nga sa duha ka balay-patigayon sa magkalahi nga lugar dinhi sa syudad kagahapon sa hapon.
Kini human unang gitulis sa nag-inusarang suspek nga armado sa kalibre 45 nga armas ang FMN Agricultural Supply Incorporated apan wala’y nakuha diha sa Brgy 26 sa dakbayan.
Bugtong nakuha sa tulisan ang 2-mil pesos nga salapi sa customer nga si Rogelio Trego ayha misibat sa maong lugar.
Apan paglabay sa pipila ka oras,gitulis na usab sa suspek ang LBC Branch sa Pelaez Boulevard sa Brgy Carmen sa syudad.
Nakuha sa suspek ang kinitaan balor P7-mil cash dihang gipahapa sa tulisan ang mga empleyado sa maong patigayon.
Namahayag si C/Insp Mardy Hortollisa II,tigpamaba sa Cagayan de Oro City Police Office o COCPO nga wala undangi sa ilang intelligence unit ang pagpangita sa suspek aron kini madakpan.
Kini ang unang higayon nga natugaw sa sunod-sunod nga pagpanulis sa syudad sukad gipatuman ang martial law sa syudad.
