CAGAYAN DE ORO CITY-Gigraduhan ni Misamis Oriental Gov Bambi Emano si Pres Rodrigo Duterte sa 9 kon hisgutan ang kampanya batok ilegal nga droga sa nasud.
Kini alayon sa ipahigayon ni Pres Duterte nga State of the Nation Address o SONA sa kauluhan unya sa hapon.
Gibutyag ni Emano nga posibleng tukion usab ni Duterte ang kabahin sa ekonomiya sa nasud ang kagubot sa Marawi City.
Samtang pasadong grado usab ang gihatag ni Msgr Percious Cabunoc alang sa sensiridad sa pagserbisyo ni Duterte.Kini nunot sa kapi’g tuig nga pag-alagad ni Duterte sa katawhan sa nasud.
Apan gibutyag ni Cabunoc nga bagsak nga grado ang iyang ihatag kang Duterte pag-abot sa kinaiya niini isip labing taas nga govt offiical sa nasud.
Sa pikas nga bahin,anaa sa tunga-tunga nga grado kon singko ang gihatag sa grupong BAYAN Nothern Mindanao kang Pres Duterte.
Kini maoy gihatag nga grado ni BAYAN Nothern Mindanao Sec Gen Wildon Barros sa SONA ni Pres Duterte unya sa hapon.
Gibutyag ni Barros nga may nahimo usab nga maayo si Duterte sa iyang administrasyon.
Dugtong niini,preparado na ang sulod ug gawas nga bahin sa Batasang Pambansa diin ilusad ang State of the Nation Address o SONA ni Pres Duterte unya sa hapon sa kauluhan.
Kini kon isubay sa pahayag ug paghulagway ni Gusa Brgy Kap Marlo Tabac nga usa sa mga mosaksi sa SONA ni Pres Duterte.
Gibutyag ni Tabac nga posibleng dili molungtad sa usa ka oras ang ipabati nga SONA ni Duterte unya sa hapon.
Dugtong niini,giawhag ang katawhan nga motutok sa Bombo Radyo Philippines diin linawas nga mipahimutang sa coverage team mismo sa Kongreso kabahin niini.
Una nang gisugyot nga angayan dawaton sa katawhang Pilipinhon ang gipakanaug nga desisyon sa kamarabaha kalabot na sa martial law extension sa Mindanao kutob Disyembre 31, 2017.
Kini maoy simple nga hagit ni Integrated Bar of the Phils kon IBP CdeO-MisOr Chapter president Atty Ed Cuaresma sa tanang molopyo sa Mindanao.
Sayud si Cuaresma nga mabutang sa peligro ang kinabuhi sa usa ka tawo kon kini magsupak sa mga kung unsay nauyunan sa legal body.
Gani, igo na lamang nagpadumdum si Cuaresma sa katawhan nga kanunay dunay “checks and balance” nga mahitabo oras nga mubutho na ang lapad nga pagpang-abuso tungod sa paglugway sa Martial Law sa Mindanao.
Gitin-aw sab sa inilang human rights expert nga dunay nga ahensya nga mupito ug musukod sa mga kahiwian sa mga tawong gisapnayan sa katungod panahon sa pagpatuman sa batas militar.
