CAGAYAN DE ORO CITY-Dismayado ang mga raliyesta nga naggikan sa esteng bahin sa Mindanao human sila gibabagan sa mga pulis padulong Iligan City.
Moabot sa 1,200 ka protesters sa Makabayan Bloc-Northern Mindanao ang nagsinggita daplin sa dalan human sila wala tuguti sa mga pulis nga makalahos padulong Iligan City.
Gibutyag ni Ringo Lago, secretary-general sa STAREX-PISTON ug miembro sa Makabayan Bloc-Northern Mindanao nga tungod sa gihimo sa mga pulis, nagpamatood lamang nga walay kalainan ang martial law atol sa Marcos administration itandi sa kasamtangang administrasyon.
Samtang, gidawat usab ni Lago ang hagit ni Iligan City Mayor Celso Regencia nga didto sa Marawi City himoon ang ilang rally sa maong dakbayan.
Una niini,anaa na lamang sa 50 ka raliyesta ang nakasulod sa Iligan City Plaza diin ilang gipanawagan ang pagpahunong sa martial law ug pagpamomba sa Marawi City.
