CAGAYAN DE ORO CITY-Gihataga’g pasado nga grado ni Marawi City Mayor Majul Usman Gandamra ang performance ni Pres Rodrigo Duterte sa pagdumala sa nasud.
Sa ekslusibong pakighinabi sa Bombo Radyo, gipasigarbo ni Gandamra nga passing grade ang iyang ihatag sa presidente ilabina sa iyang kampaniya batok sa illegal nga droga ug terorismo.
Si Gandamra miingon nga nabati niya ang sensiridad sa pagdumala ni Duterte sa nasud taliwala nga daghang mga dagkong tawo ang iyang naligsan.
Hisayran nga suportado usab ni Gandamra ang extension sa Martial Law hangtud Disyembre 2017
.Samtang gipasalig ni Gandamra nga bisan kapin duha ka bulan na ang nahitabo nga kagubot sa Marawi City, nagpadayon gihapon ang ilang trabaho.
Siya miingon nga matag adlaw nga Lunes ug Miyerkules magkatapok ang mga opisyal sa City Hall aron magpaghigayon sa session.
Bisan sa ka-delikado sa ilang seguridad, ilang gipaningkamutan nga makahimo’g ordinansa ingon man mga resolution may kalabutan sa ilang nasinatiang krisis.
