CAGAYAN DE ORO CITY-Giaktibo’g balik sa militar ang ilang 135 ka army reservist nga gilangkuban sa lima ka opisyal nga ubos sa 1005th Ready Reserve Infantry Batallion nga nakabase sa 4th ID,Philippine Army.
Kini aron modugang sa puwersa sa Task Force Oro nga mohatag seguridad batok sa mga pundok nga mohimo’g posibleng pagpanghasi sa katawhan sa syudad.
Namahayag si 4th ID,Philippine Army spokesperson Capt Joe Patrick Martinez nga dako’g matabang ang maong army reserve force ilabina nga anaa sa hadla sa terorismo ang Mindanao.
Hisayrang sukad miulbo ang kagubot sa Marawi City,daghang suspected Maute-ISIS members ug suporters na ang nasikop sa Martial Law-Special Action Group o ML-SAG dinhi sa syudad.
