CAGAYAN DE ORO CITY-Gi-briefing pa sa mga gitoohang sakop sa rebeldeng New Peoples Army ang mga sekyu sa Mindano Rock Construction Company human gipangsunog ang mga backhoe nga nahimutang sa Don Victoriano Chiongban,Misamis Occidental.
Gibutyag ni Sr/Supt Jaysen de Guzman,provincial director sa Misamis Occidental Provincial Police Office nga
gikasuko sa mga rebelde ang pagdagmal sa kinaiyahan sa maong kompanya.
Una niini,padayong giberipikar pa sa mga otoridad kon iya ba sa mayor sa maong munisipalidad ang gipangsunog nga bakhoe.
Gisuta pa sa mga imbestigador sa mga otoridad kon duna bay obligasyon si Mayor Rodolfo Luna sa mga walhong pundok.
Dugtong usab niini,subli giawhag sa 4th ID,Philippine Army ang mga negosyante nga dili magpailad sa mga bahad sa mga rebeldeng New People’s Army o NPA nga mohimo’g pagpangilkil sa ilang mga kinitaan.
Gihimo ni 4th ID,Philippine Army spokesperson Capt Joe Patrick Martinez ang pahimangnon dungan sa ilang pagpakusog sa military operations tungod sa bahad sa mga NPA nga mohimo sa nationwide offensive batok sa gobierno.
Una niini,gibutyag ni Pres Rodrigo Duterte nga dili na kini makig-estorya pa sa CPP-NPA-NDF tungod sa kanunay pag-atake sa mga sundalo ug kapolisan palibot sa nasud.
