CAGAYAN DE ORO CITY-Paspas nga girespondehan sa kapolisan ang impormasyon batok sa trabahante sa Oro Integrated Cooperative ang nagbaton sa dili pa matino nga gramo sa ginadiling drugang shabu saYacapin St.ning dakbayan.
Gisaysay ni Divisoria Police Station commander Sr/Insp Glen Abalde nga gisubay nila ang tanan legal nga proseso human naabtan nila nga wala diha ang suspek nga giilang si Mac Arthur Sabud, hingkod ang panuigon ug molopyo ning syudad.
Maoy punterya sa mga pulis ang motorsiklo ni Sabud nga didto gitago ang mga kontrabando.
Gani, sa pag-abot sa suspek nangayo pagpermiso ang mga otoridad kaniya aron abrihan ang UV box sa iyang motor.
Nahimong positibo ang impormasyon human makita didto ang pipila ka gramo sa ilegal nga druga.
Wala na mihatag komento si Sabud ug gitugyan niya ang tanan tubag sa iyang abogado.
