CAGAYAN DE ORO CITY-Gipangita pa sa kapolisan ang suspek nga pagdunggab-patay sa kaugalingong uyuan niini diha sa Sitio Pinikitan,Brgy Camaman-an ning syudad.
Kini human gilayong misibat ang suspek nga si Eric Yanoga,minyo nga taga- Butuan City dihang nadunggaban niini ang biktima nga si Larry Casero nga nagpuyo sa Sitio Tangkonan sa maong brgy.
Nagkalalis ang duruha bahin sa plete samtang anaa sa pag-inom hinungdan nga nagresulta sa pagpanunggab.
Nakaangkon sa dinunggaban sa dughan ang biktima nga hinungdan nga dead on arrival kining nadala sa Northern Mindanao Medical Center sa miaging gabii.
Sa pagkakaron,gilusad na sa tropa ni Cogon Police Station commander C/Insp Harvey Abellanosa ang suspek nga gilayong misibat paghuman sa maong kremin.
