CAGAYAN DE ORO CITY-Misaka pa sa balor P40 milyon ang damyos sa pagkasunog sa Hotel Conchita ug Palaña Grocers diha sa Yacapin Street ning syudad.
Kini human naka-submitar na sa damage assessment ang tigdumala sa maong mga balay-patigayon sa mga otoridad tungod sa hitabo.
Gibutyag ni SFO3 Samson Velarde,acting operations chief sa Bureau of Fire Protection -CdeO Central District nga pabiling wala pa gihapon nila matumbok ang hinungdan pagkasunog sa maong establisemiento.
Gani,gikuha na sa BFP Region 10 ang pagpadayon sa imbestigasyon sa pagkasunog sa maong mga gambalay niadtong Hulyo 13 ning tuiga.
Dumduman nga may gitul-id nga centralize aircon ang pipila ka empleyado sa maong pagtigayon ayha miulbo ang dakong sunog.
Hisayrang gatusang mga trabahante ilabina sa Palaña Grocers ang nawad-an sa trabaho tungod sa pagkasunog niini.
