CAGAYAN DE ORO CITY-Gikasuhan na sa usurpation of authority ug illegal used of uniforms ang 7 tawo nga nagpatoo nga sundalo ug pulis nga nangahas pagsulod sa Marawi City sa miaging adlaw.
Kini human nasuta nga dili tinood nga mga sundalo ug mga pulis ang mga suspek nga nasitar sa checkpoint sa Iligan-Marawi highway.
Gibutyag ni P03 Esnairah Lucman,hepe sa Police Community Relations sa Marawi City Police Station nga posibleng konektado sa teroristang Maute-ISIS ang mga suspek.
Una nang nakuhaa’g extra military ug police uniforms ang mga suspek samtang nasitar sa checkpoint ang ilang gisakyan nga Toyota Fortuner.
Samtang pagtabang sa mga bakwit ug pagsusi sa tropa sa US Marines ang katuyuan kon nganong naninguha makasulod ang 7 ka tawo nga nagpatoong pulis ug sundalo sa Marawi City.
Pahayag kini Florante Alejandrino nga taga-Brgy Puerto ning syudad ug nagpaila nga 7-star general sa Philippine Asia Pacific dihang gipangdakop sila sa militar ug kapolisan sa miaging adlaw.
Kabahin sa mga gidakop sila si Ariel Cabanes,taga-Brgy Pagalungan ning syudad;Pacito Villanueva;Juniper Alestre Jr;Elsie Lantong; Rufina Gayatao nga pulos taga- Bukidnon ug Beinvenido Malasa Sepe nga taga-North Cotabato.
