CAGAYAN DE ORO CITY- Gipangita pa sa kapulisan ang suspek sa pagdunggab-patay sa usa ka construction worker diha sa Carmen Public Market ning syudad.
Giila ni Carmen Police Station deputy Station Commander Capt Mario Mantala ang biktima nga si Arsenio Zapanta Jr, 32-anyos, residente sa Patpat Barangay Lumbia ning syudad.
Nakaangko’g tulo ka samad dinunggaban sa iyang liog ang biktima hinungdan sa iyang kamatayon.
Giimbestigaran karon sa mga pulis ang anggulo nga pagpanulis ang motibo sa pagpatay sa biktima.
